Vawleicung ah ahmasabik leirian atuanmi hna i an ram (or) Abu Hureyra

 


Vawleicung tuanbia lei mifimthiam hna nih an rak chim mi ah cun vawleicung ah a rak um mi minung hna hi hmun hmun (6) in an rak i then hna i cu ti cun hmunkip kakip ah an rak ti thek dih tiah an rak ti. Cuu hmunhma pa (6) cu minung hna i kan nunphung a hram a rak i thawk hmasabik nak a si tiah an rak ti. Cu hmunhma lak ah cun hmunhma pa (2) hi Nichuah lei ram laifang hmunhma pawl hi an rak sii, cun a dang hmuhma pa (2) hi Asia ram le a tangmi hmunhma pa (2) hi America States pi ah a um tiah theih asi.


Nichuah lei ram ramlaifang hmuhma pawl i a rak um mi miphun hna i an nungphung a rak i thawk nak hmunhma pa (2) hi ciinthlak nak ding caah vawlei a rak that nak vawlei a rak vuar nak a rak si i Fertile Crescent ram tiah an rak tii. Fertile timi cu vawlei thatnak hmun ti asi i Crescent timi cu thlapa samthihkuang ti asi. Vawlei that nak hmun thlapa samthihkuang he a lomi hmunhma ti duh nak a si lai cuu. Cu thlapa samthihkuang he a lomi hmunhma pi i a rak um mi hna cu tuchan i Iraq ram, Turkey ram, Iran ram, Serie A ram, Lebanon ram, Israel ram, Palestine ram, Jordan ram le Egypt ram pawl hi an rak si.


Arab ram vawlei fonghleipi i a hmet nak lei in rilicung in rilikam vialte le Persian Gulf timi Persian rilipi a kuaih nak tiang hi Fertile Crescent ram chung ah a rak i tel i vawleicung tuanbia ah minthang asi mi Mesopotamia, Gobekil Tepe le Jericho ram tiang hi an rak i tel. Lung Chan a donghlei (Neolithic) a rak phak hnu ah cun cuka hmunhma i a rak ummi miphun hna cu duhsah duhsah an nun a rak i thleng i ramveih i pawcawm nak in ciinthlak lei asimi lothlah, leirian tuan nak lei tu in hin pawcam nak hii an rak tuah deuh hna.


Fertile Crescent ram i a biapibik asi nak hmunhma cu Abu Hureyra tiah rak theih mi cuka hmunhma i um mi hna nih Tell tiah an rak auh mi minung hna nih an rak sak mi tlang a niam nawn mi cung ah a rak um. Abu Hureyra hi Serie A ram thlanglei i Euphrates timi tlang karlak hmunhma ah a rak um. Cu Tell (Abu Hureyra) pi ah cun a luanciami khum thong tampi lio tein an rak sakmi a rak ngan taktak mi inlo a rawkral mipawl an rak um rih i Lung Chan lio i miphun hna hi a thong lengin cuka hmunhma i an rak umko timi a fian nak an nehnang zong hi tampi rak hmuh khawh a rak si. Tu ah cun Tell (Abu Hureyra) pi hi meter (8) tiang hrawng lawng a sang cang i a pawngkam i Assad timi tibual nganpi chung ah hin a rak pilcang.


Abu Hureyra timi vawleicung tuanbia ah rak chiah mi hmunhma pakhat telawng hi hlanchan tuanbia hlethlai nak lei i mifimtham hna nih Abu Hureyra (1) le Abu Hureyra (2) timi khua caan a rak i thlau ning in min an rak bunh hna. Cuu hmunhma pawl i an kum cuu cu Chronology ( caan kong tuaktan cawnnak) lei mifimthiam hna nih a luanciami kum (13000) in kum (9000) karlak hi asi lai tiah an rak tii.


Abu Hureyra (1) hmunhma i a rak um mi hna hi Epipaleolithic chan lio i miphun pawl an rak si thiah rak theih asi i an zaapi te hin hmunkhat ah i fonh in ram rak riah hi an rak hmang tawn. Abu Hureyra (2) hmunhma tu cu Neolithic thiah rak theih mi Lung Chan a rak dongnak lei miphun pawl an rak si i ciinthlak lei in bawcawm nak caah riantuan mi hii an rak um pah cang tiah tuanbia ah hin rak hmuh khawh asi. Atam deuh hi a hlan i hmunkhat ah ramveih hmang mi an rak si ve ko na in duhsah duhsah in nun ziaza dawh le an rak pah i ciinthlak lei rian a tuammi lei ah an hungtla.


Cu ruang ah cun Abu Hureyra ram i a rak um mi leirian rak tuan mi hna hi vawleicung ah a hmasabik leirian tuan mi an si lai tiah an rak tii. Ramveih in paw acwam mi an rak si nak in lothlo, leirian tuan in bawcawm hram an rak i thawk lio hi Younger Dryas Period tiah rak theih mi a luan ciami kum (12900) in kum (11700) karlak lio i vawleicung ah horha hlum nganpipi an rak tii i an rak luan lio caan he an rak i tong khomen tiah mifimthiam hna nih an rak tii i a hmasabik an rak cin mi facang hi (ရိုင်းဂျုံ) asi tiah an rak tii.


Khuate bantuk asimi Abu Hureyra hmunhma ah cun thetse lung pawl rak cawh in inn an rak sak mi thlam fatete pawl an rak um i thlam cih nak ah an rak hman mi hi thing dong pawl le phiang kung pawl an rak si i thlam kip ah hin sa hring, nga hring pawl rak khon nak caah vawlei tang ah innkhan zong hi an rak tuah chih fawn.


Khuami pawl hna hi ramveih le nga tleih leng ah saram nganmi an rak hmuh ah cun hmunkhat ah i fonh in sa rak dawi hi an rak hmang tawn. Abu Hureyra khua i nikhua can ning ah cun thal caan a rak phak poh ah hin athong leng asimi Gaze timi meheh pawl hi cuka hmunhma cu rak pal in kum fatin te hmunhma an rak i thial ruang ah khuami hna tirawl tampi an rak ngeih nak hi a rak sii. Cu bantuk in tirawl tampi an rak ngeih ruang ah cun Abu Hureyra khua ah umhmun khuarmi an rak tamkhun nak hi a rak sive. Saram an rak thah mi hna i an pawh pawl hi an rak khon ve i a sa tu hi cu nitlang ah an rak car hna cun mei zong in an rak car fawn hna i caan saupi anguh dingtiang in an rak tuah hna. Cun mah chan lio i miphun hna hi (ဂျုံ, ရိုင်းဂျုံ) timi le tisik anhnah pawl hi an rak cin i an rak ei hna tiah an tuanbia ah hin rak hmuh khawh asi.


Aluan ciami kum (12800-11500) karlak lio i Younger Dryas timi khuasik thla lio ah Abu Hureyra miphun hna an ciinthlak pawl cu horha nganpipi a rak tit ruang ah horha tii nih a rak hrawh piak hna bantuk in kumfate a thial langmang vemi Gaze meheh pawl i an lam zong hii a rak i dang thluahmah ve.Mah ruang ah cun Abu Hureyra khua i a rak um mi miphun hna cu an i thial pah thluahmah ve i kum thong leng an rak um nak Abu Hureyra rampi cu a rak rawk dih.


Cuka hmunhma an rak chuahtak lio ah cun Abu Hureyra miphun hna hi ciinthlak lei an rak thiamtuk cang i thingthei kung, tisik anhnah pawl hi zeitin ciin ah dah a that ti hi an rak i fiangtuk cang hna. Kum (1000) hrawng a hun roh hnu ah cun pupa sin in ciinthlak lei a rak thiam mi miphun hna cu Abu Hureyra hmunhma ah cun an kiar than i umhmun an rak khuar than hna. Cu caan lio ah cun Abu Hureyra hmun i khuacaan cu a rak tha tuk cang i kokek harnak zong a rak um tuk tilo ruang ah leirian, lorian pawl cu an rak tuan than hna i ciinthlak tampi an rak tuah kho than hna.


Ahlan ah ramvai an rak siko nain lothlo, leirian lei tu a rak tuan than mi hna Abu Hureyra miphun hna i an sining cu tuanbia lei mifimthiam hna nih an rak hlethlai mi ah ဂျုံfacang cii, muyo facang cii, peni cii pawl hi tatte ah tha ten an rak hmuh khawh rih mi hi a rak si. Culawng sirih loin Abu Hureyra hmun i vawlei an rak cawh nak ah an rak hmuh mi minung pumsa lung ah a rak i cangmi an haa pawl an rak lehla mi zong in cuka hmunhma i a rak ummi miphun hna hi mei in rawl an rak chumh i an rak ei veko timi zong hi an rak theih khawh rih mi a rak si.


Culeng ah an rak hmuh chap rih mi minung pumsa lung ah a rak i cangmi pawl ah hin caan saupi rian an rak tuan nak kong, facang rialnak lung in caan saupipi facang an rak rialnak kong, thilrit pipi zong hmunkhat le hmunkhat ah kum fate an rak i thial poh ah an rak i putpeng timi hmattan pawl ruang zong ah hin Abu Hureyra hmunhma hi vawleicung ah a hmasabik leirian a rak tuanmi hna an sii timi hi fiangdeuh in a rak langtar chinchin.


Abu Hureyra timi hmunhma hi (1970) kum lio ah Tabqa timi tidil tuah nak ding caah Assad tibualpi cu khawntreak a tleihmi conpany nih vawlei an rak cawh nak ah an rak hmuh i cu hnu cun an tuambia hi an rak hlethlai khawh mi hi arak si. Tinih a phum cangmi Abu Hureyra hmunhma pi cu (1975) hlan deuh te ah tuanbia lei mifimthiam hna nih Abu Hureyra hmunhma i an nehnang, an thilrii, tuanbia ah chiah awk a thami thil vialte cu tha ten an rak khomhsuat khawh dihmeh hna. Abu Hureyra hmunhma he pehtlai in tuanbia ah an rak chiah mi thilri tampi cu Serie A ram Aleppo khua i ummi thil hlun chiahnak inn (အမျိုးသားပြတိုက်) ah tutiang zongah hin mipi nih zoh khawh ding in a chiah pengko tiah rak theih asi.

Popular Posts