Spain Empire pi Arawh Tertu "SPAIN-AMERICAN" Ral Anrak i Dohnak.

 

Spain-American raldoh nak timi cu (1898) kum lio i American le Spain fakngai in ral anrak i tuk mi hi asi. Ral anrak i doh lio caan hi (1898) kum, April (25) inn August (12) tiang arak si i thla (4) hrawng lawng anrak rau. Ral anrak i tuk nak aruang hi a phunphun in arak um. Cu hna cuu Cuba miphun hna nih Spain kuttang si nak in luat anrak duh ruangah Spain cozahpi anrak dohkal mi ruangah le, Ralkap Tilawng (USS Maine) arak rawk mi cuu American lei nih Spain ram nih anrak hrawh mi asi tiah anrak tii ruangah kaphnih ram anrak i hmuhthiam lomi ruang ah le, Spain ram pi a thawnchin langmang dingmi cu American cozah pi nih arak duhlo ruang ah le, American nih an ralkap tilawng lei thazang karhtar anrak duahmi ruang pawl zong ah hin arak si.


Kumzabu (19) arak i thawk kaalio hrawng ah hin South America, Middle America ram le Mexico ram pawl hi Spain kuttang in an luat khawh nak ding caah anrak i zuam len hna. Cuba ram nih arak halmi mahten i uk khawh nak nawl cu Spain cozah pi nih arak cohlan piak duhlo. American cozah pi nih Cuba le Puerto Rico ram Spain nih doh arak timh mi hna cu arak duh velo. Cu ruangah cun American ram pi raltuk nak ah arak i tel vemi hi arak si.


( 1898) kum, February thla ah Cuba ram Havana khua ah arak ummi ( USS Maine ) tilawng hrawh arak tong i ralkap (266) cuu an thih le an nun zong theihlo in an rak tlau. Cu thil arak cangmi cu Spain kut in asi lai tiah American arak tii. Cuu tii ramkhat le ramkhat anrak i hmuthiam lo ruangah American President William McKinley nih American-Spain ral pi cu hrial arak duh ko nain ceihmai nak anrak tuah khawh tilo hnu ah (1898) kum, April (25) ni ah cun ralpi cu arak i thawk.


American rakap tilawng lei i an tuanvo nganbik cu Cuba tikulh pi rak phih khawh dingmi hi arak si. Rak phih khawh nak ding caah cun American nih tiva lam lei in Cuba ram he neihten rak um hi arak hau. Cuu tii asi khawh nak ding caah cun Spain ralkap tilawng cu an hmuh nak hmunhma poh ah rak kah, rak hrawh khawh dih zong hi a haumi arak si. (1898) kum, June (22) ni ah American ralkap (15000) cu Cuba ram Santiago de Cuba khua ah anrak lut. Ral anrak i tuk hnu July (1) ni ah cun American nih Spain cu arak tei i Santiago de Cuba khua zong cu a rak phih khawh.


Spain lei nih cuu an phih mi cu a phunphun in tei anrak i zuam lenko nain American ralkap cu anrak teikho hna lo. American ralkap tilawng le Spain ralkap tilawng ah hin ahodah atei, ahodah asung timi cu ralkap athimi hin rak thleiden, rakzoh khawh an si. Spain lei in ralkap (323) anrak thi i (131) hi hliamhma anrak ing. American lei tu cu minung pa (1) lawng arak thi i minung pa (11) lawng hi hma anrak ing.


Caribbean i American nih teinak arak hmuh hlandeuh thla (2) arak i duhlio ah Philippines ram ah aummi American ralkap tilawng cu Spain pawl nih anrak hrawh piak hna. Cuu lehrulh nak caah cun American ralkap tilawng lei nih Philippines ram Manila khua ah aummi Spain ralkap tilawng cu anrak hrawh piak ve hna. American tilawng lei ralbawi general George Dewey timi Manila khua arak phak lio ah cun harnak tampi arak tong. Rili bii te chung ah hriamnam nganmi in tule tute kah arak tong i lam canceo ah tibom zong nih vui tamtuk arak puahhnawh. George Dewey hruainak tang i aummi tilawng, ralkap pawl hi hma tlawmpal tee anrak iinmi dah tilo cu faktuk in an rak i khawn mi hi arak um lo. Zeimawzat, caan karlak te ah Spain ralkap tilawng cu tamngai arak rawk. August (13) ni a hun phak hnu ah cun American alan pi cu Manila khua anrak thliar khawh.


(1898) kum, December thla ah American le Spain cu France ram Paris khua ah kaphnih lungtlin nak lehhmat anrak thu. Cuu lehhmat cu Treaty of Paris (1898) tiah amin arak thang ngai mi sachoh pakhat arak sii. Cu sachoh ah cun American nih caankarlak a rak uk mi Cuba ram, Puerto Rico ram le Guam tikulh pawl inn Spain nih arak chuah piak i Philippines ram cu American kuttang arak pek. Philippines ram arak pek ruangah American nih Spain cu ralram upadi ningten American Dollar tan (20)-(tuchan tangkaa he tahchunh ah cun Dollar tan - 615 hrawng hee akhat) cu arak cham than. American ram chung ah Philipppines ram a uktu American cozahpi cung ah mipi hna nih democracy phunglam ning he akeih lo tiah anrak tii i anrak duh lo.


American cozah pi nih Philippines ram ka kal tak ah cun mahten a uk mi ram asi rihlo mi Philippines ram cu miramdang nih an rak ting thiamthiam ko lai tii ruah nak hi arak ngei. American hlawtdaw ah khat le khat biruah nak anrak ngeih dih hnu ah Philippines cu American nih uk siko seh tiah lungtlin nak anrak tuah. American nih Philippines cu avui (2) nak vawleicung ralpi adih tiang arak uk rih i (1946) kum ah Philippines ram cu mahten uk nak nawl a rak pek hna. Raltuk nak nih arak chuahpi mi cu Spain Empire pi cu a rawk dih i American ram pi tu cu ramthawn mi ram pakhat ah arak caan tar.

Popular Posts