South East Asia ah chungah tam ngai hmuh khawh mi bahra hi kawlram chung Laitlang zongah kan cin mi le kan ei lengmang mi phun khat a si. Bahra ei nak nih ngandamnak caah zeibantuk thatnak dah a chuahpi timi tangah kan rak langhter...
Bahra hi chumh zongah a thawt i kio zongah a thawng ngai mi a si. Ngandamnak caah bahra a thatnak tangah kan rak langhter......
1. Thi (Blood) aa thatter
Bahra chungah Potassium dat tampi a tel, cu pin ah minerals timi dat a telmi a si caah thi kalning kha ruang tein a chiah.
2. Taksa Thazang a thatter
Bahra ah Vitamin C tampi a telmi a si caah takpum thazang a thawnter.
3. Lung Zawtnak Ngeihkhawhnak a Zawrter.
Bahra ei piaknak nih Lung a ngandamter i Lungzawtnak ngeihkhawhnak a zawrter kho tu a si.
4. Takpum Rihzan A Zawrter
Bahra hi takpum rihzan zawrter nak caah a tha ngai mi phunkhat a si. Bahra ah a tlor mi (sii thau tibantuk) a tel lo, cu pin ah a hmin dat tampi a tel mi a si caah takpum rihzan zawtter nak caah a tha ngai mi a si.
5. A Hmin Dat tampi a tel
Bahra ah ahmin dat tampi a tel i rilpi le pawpi ngandamnak caah a tha ngai mi a si. Ahmin dat tampi a tel mi tirawl ei piak nak nih Rilpi cancer sinak lam a zawrter.
6. Amino Acid le Omega 3 tampi a tel
Amino Acid 17 phunhnih renglo cu Bahra chungah hmuh khawh a si, cu pin ah Omega 3 le Omega 6 zong bahra chungah hmuh khawh an si. cu ruangah Lung ngandamnak caah a hlei in a thakhun mi a si, cu pin ah cancer zawtnak zong a runven khawh lawng si loin a dang ngandamnak ca zongah a tha ngaingai mi a si.
7. Takvun Kawr mi Ca Zongah a Tha
Bahra ah Vitamin C tampi a tel caah takvun a dawhter. Takvun a kawr mi pawl kha a zawrter i nonal deuh nak caah a tha ngai mi ei ding phunkhat a si.
Credit: Myfood Myanmar.
