Mithalo kut in an nun nak arak lam mi American president hna

 

American rampi hi vawlei cungah ramthawng bik asi bantuk in an president pawl ca zongah hi an nunnak a himbawm nak ding caah kilveng tu thatha an rak chiah piak hna i an kilven hna. Chan chankhat a phak poh fate American president pawl hi tu le tu te an nun nak tlerh an rak tong peng, rian an tuan lio ah president asi lo le president hlun a si lo le president a silai ding mi hna hi vui (30) leng hii mithalo hna nih thah an rak timh peng hna. Cu mithalo hna kut cun American president pa (4) anrak thii i pa (2) tu cu hma fak ngai in an rak phor. Cu ruang ah cun American rampi nih hin an hruaitu hna himbawm nak ding caah kilveng tu ding, cun kilven nak hi a phunphun in an rak tuah in an rak kilven hna.


# Andrew Jackson


American Pydaungsu i a pa (7) nak president asi mi Andrew Jackson hi mithalo hna kut in ahma sabik a nun nak a luat mi asi i cuu thah an rak timh lio cu (1835) kum lio ah arak si. Kum (30) arauh hnu ahcun president Abraham Lincoln cu mithalo hna kut in a nun nak arak liam ve. American president tuanbia ah ahnubik mithalo kut in thah arak tong mi cu John F.Kennedy arak si. Anrak thah kum hi (1963) kum November (22) ah arak si. Khuaruahhar asimi cu American president pawl hi meithal lawng ten an rak thah hna mi hi asi.


(1)...Abraham Lincoln


American ram ramchung ral i tuk adih kum (1865) kum April (15) ni ah American president Abraham Lincoln cu a nupi he Our American timi baisakup zohah Ford baisakup piahnak zungah ankal i cu ka hmun ahcun John Wilkes Booth timi pa nih arak thah. President Lincoln cu ahnulei lu ah meithal in arak kah i hliam hma arak phor mi Abraham Lincoln cu Petersen House ah ankal pi i an rak thlopbul ko nan zinglei nazi(7 :22 am) ahcun a nun nak arak liam.


# John Wilkes Booth


An rak hlethlai mi ah Abraham Lincoln arak that tu Booth hi mipi nih an rak uar ngaimi piahzat minta pakhat arak si i president pa arak thah dih hnu ah hin zerh hnih chung tiang arak tli zam kho rih. April (26) ni a phak hnu ah Virginia khua Port Royal pawng ah ummi mawtawka chiah nak kudawng ah an rak hmuh i nawlngei tu hna nih hriamnam chiah an fial len ko nain arak duhlo ruangah thilak in an rak kah.


(2)...James A.Garfield


American ram an tuanbia ah (1880) kum lio i uktu thim nak an rak tuah lio ah mee tamcem arak hmumi American president (20) nak arak si mi James Garfield hi president tuanvo a lak kaa inn zeirian hmenh tha ten a tuan menh hlan ah (1881) kum July thal (2) ah mithalo hna kut in thah arak tong. James cu Warshinton, D.C. ah ummi tlanglawng hngah nak hmun ah tlanglawng a hngah lio ah Charles Guiteau nih ahnu lei in meithal in arak kah.


#Charles Guiteau


Cu meithal kah ruang ahcun James Garfield cu ni(80) chung fah nak arak temhtuar hnu ah a nun nak cu arak liam. Tu chan bantuk hin si lei ah fimthiam nak raksang sehlaw cu James Garfield hi arak nung ko hnga. Arak that tu Charles tu cu an tleih i zungah biahal nak an rak tuah i (1882) kum June thla (30) ah ahawng hrii in anrak thlai i anrak thah. A taktak tee ah cun James Garfield hi meithal kah nak ruah ah arak thih hi asilo i a hma rungrul arak luh ruang ah arak thih hi asi.


(3)...William Mckinley


Sihni, ralpawi rian pawl arak tuan belmi American ram (25) nak president asi mi William Mckinley hi methlak lai teah Buffalo khua ah Leon Czolgosz timi panih meithal in a paw ah arak kah. (1901)kum September ni(6) lio i cu thil arak caan hnu in ni(8) a rauh hnu lawngah William Mckinley arak thi i si lei an chambau tuk ruangah American ram president pi cu a nun nak arak liam hoi.


#Leon Czolgosz


Meithal in arak kah lio ah hin William Mckinley cu mipu karlak ah arak um ruangah akilvengtu hna nih cun mithat tu paa Leon kut in anrak khamh menh lo nak hi asi. Leon cu anrak tleih i October (29) ni ah electric thutden cungah an rak thut tar i an rak thah. An rak thah hlan teah hin mithat hmang Leon nih cun hi thil ka tuahmi ruang ah hin ngeihthiam zong kan hal hna lailo, cun thah ding nan ka timi cung zongah hin ka ngeih a chia hlei lo, ka pa he kan i hmuh talo mi tu hi ka ngeih achia tuk tiah arak chim tak.


(4)...John F.Kennedy


JFK tiah Ameriacan mipi hna nih an rak timi American rampi i (35) nak president asimi John F.Kennedy cu (1963) kum November (22) ah Dallas khua ah mithalo hna kut in a nun nak a rak liam. John cu president mawtaw in Dallas khua in arak chuak i mipi tampi nih lam ah an rak don cuahmah lioah rifel meithal in alu ah an rak kah. A hma cu arak ngan tuk i cuka hmun he a ngeih niam nak hmun Parkland sizungah an rak kal pi ko na in nazi cheu a rauh hnu ah a nun nak cu arak liam.

Mithat tupa nih arak kah chap mihna meithal kuan pakhat cu Texas khuabawi upa asimi John Connally timi arak khen ve nain Connally tu cu a nun nak arak him bawm. Mithat tupa hii American tilawng lei ralkap hlun asimi Lee Harvey Oswald timi asi i president arak thah lio ah hin Texas khua Book Depository timi inn dotruk cung in arak kah nak hi asi. Mithat hmang Lee nih cuni thiam thiam ah cun Dellas palek asimi J.D. Tippit timi pa zong arak kah i arak thah ve.


# Lee Harvey Oswald


Kennedy hi American president vial te lakah a hnubik mithalo kut in a nun nak a liam mi hi asi. Cu a thih lio ah cun vawlei pumpi nih TV, Redio le tadinca tampi ah cu a thih dan cu an rak hlut. Lee Harvey cu a rauhhlan ah an rak tleih i Kennedy a thih hnu ni hnih a rauh ah Dellas khua vawlei tang palek sakhan ah media pawl he biahal nak an tuah lio ah Texas ngihtclub dor ngeitu Jack Ruby timi pa nih meithal in arak kah ve i a nun nak arak liam. Cu ruangah cun Rudy cu thong an rak thlak ve i (1967) kum January thla(3) ah cuap cancer in thong in chung ahcun a nun nak arak liam ve.

Popular Posts