Caan Na Ngeih Lo Hmanh ah Minute 5 Hrawng Caan Pe Law Relve hrimhrim

 

Caan Na Ngeih Lo Hmanh ah Minute 5 Hrawng Caan Pe Law Relve hrimhrim

zinglei suimilam 11:30 am hrawng asi cang "lamkam coffee dawr hmai ah kum 75 hrawng asi cang mi tarnu pakhat ka hmuh ii bialamchuak ah ka hei chawnh"

biahalnak- Ka pi zeidah na tuah tiah ka hei hal ii "a aw thirnawn in tarnu nih a chim mi cu ka fale nih tangka an ka kuat le ka hlam lai ka ti le tu tiang bank an ong rih lo ii ka hngak ko hi tiah tarnu nih a ka leh.

Ka pi zeitel na ei cang maw tiah ka hal ii ka fa aw zei hmanh ka ei rih lo zingka tein bank an ong ka hngah nak ah zei hman ei lo in ka hngak ko hi tiah a ti. cu tikah tarnu cu ka hruai ii bank pawngah a um mi rawldawr ah ka lutpi, ka zoh tikah a paw a rak tam tuk tik cu a rawl ei mi zoh in hmuh khawh asi. tarnu rawl a ei lio ka zoh tikah ka hnarno ruh a ka tam thluah mah ii ka mit thli zong a hai dih.

Chun hrawng asi tiang bank an ong rih lo mah ni kha zungkhar asi le si lo ka theih ve lo.

cu tikah biafiang theih awk ah tiin tarnu cu na fale sin ah phone na chawnh tuah hna lo tiah ka hei ti ii, ka pi phone naa ken maw tiah ka hei hal.

tarnu nih cu ka ken ko ka fa tiah a ti pah in a zal chung cun phone cu a van chuah ii a kut thir nawn in phone cu a bih len, ka pi na fale phone number na theih maw tiah ka hei hal than ii mah phone number hi asi tiah phone cu a ka pek ii cu phone number cu ka hei hmeh...

Hello.... ka upa na nu nih tangka nan kuat mi bank ah a rak hlam ii tangka nan van rawng cang maw? tiah ka hei hal...

cu tikah tarnu a fapa nih kan kua lo tangka kawl hi a fawi te mi ah maw a rel. Inn rak tlun ta zong kaa manh lo, ka rian tamtuk tiah a ka ti pah in tarnu cu ka hei zoh pah. Tarnu nih mirh nawn tein a ka zoh ve (ka fapa nih a ka ngaihnak kong pawl a chim i si lai tiah mirh nawn tein a ka zoh pah in a chim)

Hello..... tarnu kha rak chim tangka ka kua kho lo tiah a ti, cun inn chungkhar he kan si ve tangka kawl fawi te ah maw a rel, chungkhar he nuam tein um kan duh ve, hna hnawhnak rak kan pek ti hlah seh tiah rak chim tiah a ti ii phone a chiah diam.

Phone kan i chawnh mi a dih tikah tarnu nih a ka halmi cu "ka fapa nih zeitin an ti, ka nu kha a dam maw tiah an hal maw? ka ngai tuk cang a ti maw? inn ah ka rak tlung zau lai tiah teh a chim maw? tiah a ka hal.

Tarnu nih theih a duh tuk mi bia le a fapa nih a chim mi bia cu van le vawlei bantuk in an i dang. cu tikah tarnu hi a hman lo ning in chim ah maw a that hnga a hman ning tein chim ah dah a that hnga, zangfah tein rak ka chim ve uh.

a fapa nih a chim bantuk in ka chimh asi ahcun "tarnu zeitluk in dah a lung a fah lai ti le ka phang fawn ii ka thinlung nih a tuar kho hrim lo, tah tluahmah bak ka lungah a chuak, tarnu ii a si ning ka hmuh mi hrimhrim nih ka hnarno ruh a ka tam thluahmah i ka mitthli a tla."

ka mitthli a tla mi cu tarnu nih a hmuh tikah "ka fa ziah na mithli a tlak e" tiah a ka hal.

Aww... ka pi fale sin in lunglawmhnak bia ka thei tikah ka nuamh tuk nak ah a tla mi mitthle mi si tiah ka ti ii ka pi cu inn lei ah kaa hruai.

Inn kan phak tikah kei mah nih ka ngeih mi tangka ting 2 kha tarnu theih lo tein ka zalchung in ka chuah i ka pi mah hihi na fale nih an in kuat mi tangka cu asi tiah ka ti ii tarnu mithmai ah zei he hmanh thlen khawh lo mi nuamhnak le mirh nak ka hmuh khawh. mah tangka ting 2 kha tarnu nih cun ka fale nih an ka kuat mi si ti ruah in a ruah ii a nuam taktak.

fale nih hringtu nu le pa dawtnak zei hmanh ah a rel lo mi, hringtu nu le pa dawtnak a theih kho lo mi hna i hmai lei an lam thluan ka ruah tikah ka thin a phang, cu pin ah a huat zong ka huat hna.

fale nih hringtu nu le pa kan zohkhenh duh hna lo hmanh ah harnak pek lo ah a tha, cu pin ah na zohkhenh duh hna lo hmanh ah nihsawh lo ah a tha.

hringtu nu le pa dawtnak a theih mi fanu tha fapa tha si kho cio dingin i zuam hna usih.

Baibal cauk chungah kan hmuh mi nawlbia pahra lakah pakhat aa tel mi cu "Na nu le na pa upat hna" tiah kan hmuh. cun Efesa 6:1-3 chungah kan hmuh mi cu "Ngakchia hna nan nu le nan pa bia ngai hna u, cucu Khrihfa rian asi ii a hmanmi thil zong asi caah nan tuah awk asi. Na nu le na pa upat hna ti hi nawlbia hmasa bik asi ii, cu ti na tuah ahcun na caah a tha lai ii ram chungah saupi na nung lai, tiah chap chih asi" tiah kan hmuh.

Khrihfa asi mi hna nih kan nun nak ah hringtu Nu le Pa dawt khawh le zohkhen kawh i zuam cio hna usih.


Credit: Original Uploader

Popular Posts