Aluancia mi kum(100) lio i vawleicung ah a rak ngan bikmi CAMERA

 

Hmanthlak ah kan hmuh bantuk in a dang Camera he a lo lomi khuaruahhar in a ngan mi Camera pi cu (1900) kum lio ah an rak sar i American rampi i The Alton Limited timi a rak ngan taktak mi tlanglawng hman rakthlak nak ding caah hi camera nganpi hi an rak sar mi a rak si. Fimthiam nak lei a rak chanbau deuh ruang ah hin hii camrea pi an rak sar mi hi a rak si.


(1899) kum lio tein Alton Limited timi talnglawng pi cu Pullman le Illinos khua khuakhat le khuakhat i chawhleh nak caah an rak sarmi a rak si. Mah chan lio ah cun nitlaklei ram vialte i a rak um mi minung phor tlanglawng vialte lak ah a thabik tiah rak tii mi a rak si. Hi tlanglawng hii mipi nih rak uar bikmi le a tha cem mi asi tii langtar khawh nak ding caah hmanthlak nak an rak sar i vawleicung ah a ngan bikmi camera in Alton Limited tlanglawng pi cun hman an rak thlak.


Tlanglawng pi i a dawh nak pawl vialte cu a rak lang khawh nak ding caah Chicago ram ah a ummi hmanthlak thiam George R. Lawrence le a rian tuanti hawi pawl nih tlanglawng i a dawh nak vialte langkho dih ding in hmanthlak khawh nak ding caah biakhiah nak cu an rak tuah. Lawrence nih hin a hmasa lio ah cun tlanglawng chiak nak ( Buda Zong) chung ah tlanglawng cu hmanthlak a rak timh ko na in hman an rak thlak hnu ah cun hi nak fiang deuh, tha deuh in a lang khawh nak ding caah biakhiah nak an rak ngei than.


Cu ruang ah cun Lawrence le a rian tuanti hawi pawl nih cun a vuikhat nak ah pe (8 x 4) tluk hrawng a ngan mi hmanthlak a chuah khawh nak ding caah camera nganpi cu sar an rak i tim i a dang camera pawl nih an rak hman mi camera thlalang nak in an rak hman mi thlalang hi letthum hrawng in a rak ngan deuh mi asi.


(1900) kum lio i vawleicung ah a nganbik a simi cu hmanthlak nak rak sarnak caah cun thla (2) le cheu hrawng an rak rau. Camera i a pumpi sar nak ah anmah lei i Cherry timi thing an rak hman. Cu camera chung ah cun Focunsing Screen (2), a chung lei ah a nakmizawng Canvas timi le mirang vawlei kaalan (10) hrawng dih in an sarmi (Curtain Plate Holder) timi zong hi a rak i tel.


Camera i a tanglei hi pe(20) tiang hrawng a rak sau i hmanthlak khawh nak ding caah thilri tlamtling ten an rak bunh dih hnu ah cun camera i a rih hi pawng (1400) hrawng hi a rak rit. Camera ah rak bunh chih ding in Carl Zeiss timi hmanbilu pa (2) zong an rak sar chih. Cu pahnih an rak sarmi ah cun pakhat cu mm (1676) wide angle a tel i a dang pakhat deuh cuu hmanthlak a hlak nak in a neih nak ah zoom suaikhawh a simi hmanbalu (telephone lens) hi mm (3048) tiang a rak ngah tiah theih asi.


Hmanthlak an rak thawk ni ah hin cu camera nganpi cu tlanglawng in an rak phorh i minung pa (15) hrawng an rak i bawm i hman vuikhat thlak khawh nak ding caah ah minit (2) le cheu hrawng an rak rau. Cu camera pi in an rak thlak mi hmanthlak cu (1900) kum lio ah Paris Exposition ( thilri zuar zuamnak) ah an rak piah ve i a hnu nak ah cun vawlei cung ah a nganbik mi hmanthlak nak a si tiah tazavun te a tihhmat an rak puih mi a rak si.

Popular Posts